هذه أبيات قلتها قديماً من دفتري الخاص حبيت أضعها بين أياديكم ..
اليـــوم فــي حــي العليــا تمشــيت
.......... أناجــي أفكـاري وأطفــي لهيبــي
وأرتــب الأبيــات بيــت ورى بيـت
.......... لين القمـر يظـهر ويطلـع حبيبـي
وفي لحظة الموعد سمعت التناهيت
.......... من وسط جوالـي وكنـه صويبــي
أثره وصـول حبيـّبي قـال أنا جيـت
.......... أهـلاً وسهـلا وكـل جـرح يطيبـي
حييت يابـو خـد أبيـض كمـا الليـت
.......... شوفك دواء قلبي وصوتك طبيبي
أول وأنـا فـي دنيتـي كنـي الميــت
.......... بالعكس تمشي معي مشيٍ عجيبي
ومن بعد شوفك نلت كل ماتمنيت
.......... وأصبحت في دنيـا المحبـه لبيبـي
لرموز أسمك دانـة ذايعـة صيـت
.......... العقــد يسـأل والجواهــر تجيبـي
